काठमाडौं — नेपाल वायुसेवा निगम (नेपाल एयरलाइन्स) ले काठमाडौं–दुबई रुटमा थप उडान सञ्चालन गर्ने भएको छ। यात्रुहरूको चाप व्यवस्थापन गर्न निगमले मार्च महिनामा थप उडान तालिका सार्वजनिक गरेको हो। निगमका अनुसार काठमाडौं–दुबई उडान २५ मार्चमा सञ्चालन हुनेछ भने दुबई–काठमाडौं फिर्ता उडान २६ मार्चमा हुने तय गरिएको छ। यसैगरी अर्को उडान २७ मार्चमा काठमाडौं–दुबई हुने र सोही जहाज २८ मार्चमा दुबई–काठमाडौं फर्किनेछ। यी सबै उडान काठमाडौंबाट स्थानीय समय अनुसार राति ११ बजेर १५ मिनेटमा प्रस्थान गर्ने निगमले जनाएको छ। निगमले विशेषगरी फेब्रुअरी २८ देखि मार्चसम्म टिकट लिएका तर विभिन्न कारणले यात्रा गर्न नसकेका यात्रुलाई प्राथमिकता दिने जनाएको छ। साथै, २५ र २७ मार्चका उडानमा अत्यावश्यक यात्रा गर्नुपर्ने यात्रुले टिकट पुनः प्रमाणीकरण (revalidation) गरेपछि मात्र यात्रा गर्न पाउने व्यवस्था गरिएको छ। सिट उपलब्धताको आधारमा ‘पहिले सम्पर्क गर्ने, पहिले सेवा’ (first come, first serve) को आधारमा यात्रु छनोट गरिने निगमले स्पष्ट पारेको छ। कोरोना पछिको यात्रा माग बढ्दै जाँदा अन्तर्राष्ट्रिय उडान व्यवस्थापन चुनौतीपूर्ण बन्दै गएको अवस्थामा निगमको यो निर्णयलाई यात्रु व्यवस्थापनका लागि महत्त्वपूर्ण कदमका रूपमा हेरिएको छ। Post Views: 75 Post navigation नेपालमा सुनको मूल्यमा ठूलो गिरावट, लगातार दोस्रो दिन घट्यो टेलिग्राममार्फत नाबालिकाको तस्बिर सार्वजनिक गर्ने युवक पक्राउ!
